WÄRCHZÜGSCHMITTE

MÄNNERARBEIT THUN

Aus gschlifnigs Wärchzüg parat sy füre Autag. Zäme Bibu läse, ustusche und fürenang bäte.

KENER RÜMLECHKEITE

02.01.2026 09:05

Aktuell sueche mir no nöii Rümlechkeite im Ruum Thun, wo mir üsi Männerarbeit chöi dürefüere.

Mir sueche öppis nid autäglechs, ä auti Schmitte, ä Wärchstatt, ä cooli Garage...

Grund drfür isch, dass üse bishärig ruum, mit de Chöschte exponentiell id Höchi isch. Dä Betrag isch rächt höch und mir wette nid dass dWärchzügschmitte muess gah Spände yfordere.

Weiterlesen »

DI NÄCHSTE DATE

02.01.2026 08:59

Das si die nächste Date wo mir üs Träffe:

Träffpunkt isch jedes Mau 19:30 Uhr

  • 08.01.2026
  • 29.01.2026
  • 19.02.2026
  • 12.03.2026
Weiterlesen »

ÜBER ÜS

3 Männer hei äs grosses Alige...

  • Mir wei Gott im Autag aui Ehr gäh
  • Mir wei zäme Gottes Wort läse und y üsem Autag la würke
  • Mir wei fürenang bäte und ystah 
  • Mir wei aus gherteti, gschliffni Wärchzüg in Gottes Hand im Autag ungerwägs sy.

 

MIR SY:

Ralf Etter

Simon Zimmermann

Marco Friedli

MIR FRÖIE ÜS:

We du ä Sehnsucht hesch, Jesus und somit Gott em Vater necher zcho.

Gärn Gmeinschaft hesch mit angerne Männer. 

Wosch wytercho im Läbe

Wosch gschliffe wärde zumene Wärchzüg y Gottes Häng.

ÜS ISCH WICHTIG:

Üsi Männergruppe bout ds Läbe uf Jesus Christus als unverrückbars Fundamänt.

D Bibu dient üs als Kompass, wo üsi Gedanke und üsi Härz prägt und leitet.

Dür gmeinsams Gebät blybe mir mit Gott verbunde und strärche üses Vertroue uf Ihn.

Ir Gmeinschaft ungerstütze und ermuetige mir enang, dass jede sy Platz  im Lyb Chrischti fingt und Gottes Liebi sichtbar wird.